انواع التشطيب وبنوده ال 8 ..... اقوي عروض التشطيبات من شركة توب فيو ( مقاولات - تشطيبات - ديكورات - تصميمات - استشارات هندسية )

اقوي عروض التشطيبات من شركة توب فيو ( مقاولات - تشطيبات - ديكورات - تصميمات - استشارات هندسية )

انواع التشطيب وبنوده ال 8

بالتشطيب بنهيئ الشقة تكون مكان افضل للمعيشة والحياة اليومية .. و التشطيب الجيد  يعكس الشخصية و المستوي الاجتماعي , و يجعل البيت مكان اجمل لصنع ذكريات مع العائلة ..  مكان يبعث على الثقة و الراحة و الجمال .

فى شقة دوت كوم هنتعلم ازاي بالميزانية المحدودة تشطب الشقة بالشكل اللى يرضيك وهتعرف ازي تقيم التشطيب و ازاي تستلم من الصنايعي او مقاول التشطيب و الاهم هنعرضلك افكار تشطبيب وديكورات كتير تقدر تستفيد منها  

التشطيب مراحل .. وعلشان نوصل لتشطيب زي اللي بنشوفه في التلفزيون .. واللي بيعمله مهندسين متخصصين .. لازم نتبع نفس الخطوات وبنفس الترتيب .. والاهم من كدة اننا نعمل كل بند صح لان كل بند بيتعمد علي اللي قبلة .. بمعني لو عاوز محارة مظبوطة لازم تبقي المباني مظبوطة ولو عاوز نقاشة مظبوطه لازم المحارة تبقي مظبوطة يعني مينفعش تكون مرحلة النقاشة هى البداية .

والتشطيب الجيد بنراعي فيه الجانب الوظيفي للفراغ ( غرفة - صالة - ممر - مطبخ ) والجانب الجمالي كمان

الاول تعالوا نفرق بين أنواع التشطيب . التشطيب 3 أنواع :

بدون تشطيب

يعنى الشقة على الطوبة الحمرا و مطلوب مننا اننا نعمل كل خطوات التشطيب الـ8 من أول التكسير و المبانى لحد الدهانات .

نصف تشطيب

يعنى الشقة فيها ( محارة – حلقان النجارة – مواسير كهرباء من غير سلك – وصله مياه – وصله صرف ) و دى بتختلف على حسب البلد و المنطقة اللى انت فيها .

تشطيب كامل

يعنى الشقة فيها ( كهرباء تأسيس وتشطيب " مواسير كهربا وسلك وعلب كهربا و وشوش كهربا " – سباكة تأسيس وتشطيب – النجارة او الالوميتال شبابيك وابواب – دهانات – سيراميك ارضيات )

خطوات التشطيب

فى السطور اللى فاتت اتكلمنا عن خطوات التشطيب بشكل مُبسط و مُختصر ، التشطيب 8 خطوات دلوقتى حنحددهم و فى مقالات منفصله حنتكلم على كل خطوة بالتفصيل

خلينا نعرف الاول ايه هى خطوات التشطيب ؟

1- التعديلات ( النحاته " التكسير " – المبانى )

في حاله استلمنا الشقة و في حاجة في تقسيمة الشقة مش عجباك غرفة صغيرة محتاجة نفتحها على غرفة تانيه ، تعديل في المطبخ او الحمام .... وهكذا

2- العزل

نظرا لارتفاع معدل الرطوبة في المطبخ والحمام علشان مواسير المياه والصرف ، و للحفاظ علي الغرف القريبة من المطبخ او الحمام و كمان علشان منضرش سقف الجار اللي تحتك بنلجأ للعزل . وده باستخدام مواد معينة توضع على الارض الخرسانية تمنع وصول المياه اليها وتحميها من التآكل .

3- السباكة

هى اعمال تأسيس و امداد مواسير الصرف و مواسير التغذيه .

4- الكهرباء

هى اعمال تأسيس و امداد الفراغات بالكهرباء و بعض المخارج زى مخارج التليفون و الانترنت و الدش و غيرها حسب رغبة صاحب الشقة

5- المحاره

هى تغطية حوائط و جدران الشقة بطبقة من المونة الاسمنتية حتى يصبح سطح الحوائط و الجدران مستوى وجاهز للمرحلة اللى بعدها من مراحل التشطيب .

6- الاسقف المعلقة

عند الرغبة في تغير شكل السقف و عمل بيت نور أو عمل شبكة كهرباء او تكييف نحتاج لعمل سقف زائف لتغطية كل الاسلاك او للوصول لتصميم جديد للسقف فنستخدم الاسفق المعلقة لهذا الغرض

7- الارضيات

مرحلة تغطيه الارض الخرسانيه بـ ( بلاط  – سيراميك - بورسالين  – رخام – باركيه ) لتكون مناسبة للحياة اليومية العاديه

8- النقاشة والدهانات

هى عملية تجهيز الحوائط للدهانات بالألوان والأنواع والأشكال المطلوبة حسب الرغبة

وبكده نكون عرفنا ايه هي انواع و بنود التشطيب والفترة  اللي جاية هنتكلم علي كل بند لوحده .. هنشرح كل بند و ازاي تقدر تحاسب الصنايعي او مقاول التشطيبات و ازاى تستلم منه

شقة دوت كوم - أمتلك شقة جميلة