عروض التشطيبات من شركة توب فيو ( مقاولات - تشطيبات - ديكورات - تصميمات - استشارات هندسية )

عروض التشطيبات من شركة توب فيو ( مقاولات - تشطيبات - ديكورات - تصميمات - استشارات هندسية )

2- بند الكهرباء والإضاءة

تصنع الاضاءة وطريقة توزيعها فرقاً كبيراً فى البيئة الداخليه للشقة , فالإضاءة  الجيدة تساعد على رؤية اوضح , القيام بالمهام اليومية سواء في غرفة المعيشة او المطبخ او غيرها من الغرف  بشكل افضل 

 كما تعطيك القدرة علي التحكم في المود "mode" و الاحساس المراد في المكان سواء كان نشاط أو هدوء و من ناحية اخرى , التصميم الجيد للضوء يعطى شكلاً جمالياً للفراغ

كما ان عملية تأسيس و امداد الفراغات بالكهرباء و بعض الخدمات الاخرى مثل مخارج التليفون و الانترنت و الدش و غيرها عملية تحتاج الي قليل من الشرح والتبسيط , و هذه الفقرات ستساعدك فى عمل تصميم جيد للاضاءة والكهرباء

مصطلحات هامة قبل البدء في إعمال  الكهرباء والإضاءة

في البداية في شوية مصطلحات لازم تعرفها علشان تقدر تتعامل مع الصنيعي او المقاول او حتي المورد اللي هتشتري منه الخامات الخاصة ببند الكهرباء والإضاءة 

العلبة 

هي علبة بلاستيكية يتم تجميع البرايز ومفاتيح الانارة فيها 

البريزة العادية 

هى مخرج الكهرباء ، الذى توضع فيه الفيش العادية للأجهزة ذات الجهد المنخفض , مثل التليفزيون و شاحن التليفون والأجهزة الصغيرة ، وتكون بريزة 10 امبير  

بريزة القوى

(هى مخرج الكهرباء ، الذى توضع فيه الفيش العادية للأجهزة ذات الجهد العالى , مثل الثلاجة و سخانات المياه و بعض البوتاجازات او في حالة تجميع اكتر من جهاز عادي علي مشترك واحد  ، وتكون بريزة  16 او 26 امبير (تستخدم البريزة ال 26 امبير مع السخان   

البوطة 

.هى علبة بلاستيكية تعتبر مرحلة انتقالية لمسار سلك من اتجاه الى اتجاه اخر , او لتوزيع مسار سلك عند نقطة معينة الى اكثر من مسار فى الاماكن مختلفة

الشداد 

 هو خيط بلاستيكى مرن جدا و ذو متانة عالية ، هنعرف بيستخدم في ايه 

الطرنش 

هو اى فتحات يتم تكسيرها فى حائط لدفن مواسير السباكة او الكهرباء او غيرها

مراحل اعمال الكهرباء

1- يقوم الكهربائى اولاً بتحديد موضع لوحة التوزيع الرئيسية

و يقوم بتقسيم لوحة التوزيع الى مفاتيح " قواطع تيار"

2- يقوم البعض بتخصيص مفتاح لكل فراغ , او مفتاحان لكل فراغ

 احدهما للإضاءة و الاخر للبرايز

 مع تخصيص قاطع تيار لكل جهاز تكييف باللوحة او بجانب جهاز التكييف ,

 و اخيراً يتم عمل قاطع رئيسى واحد لجميع الفراغ 

  

3- يحدد الكهربائى جميع المخارج المطلوبة منه و يقوم بتوقيعها على الواقع .  

  

يبدأ فتح الطرنشات فى الحوائط وصولاً لجميع المخارج المطلوبة  

4- يقوم الكهربائى بعد ذلك بمد المواسير بداية من لوحة التوزيع

من القاطع المخصص لكل فراغ و وصولاً الى جميع المخارج المطلوبة

 و الموجودة فى ذلك الفراغ , حيث يقوم بمدها على الارضية ثم الى الحوائط

 و منها الى الاسقف اذا لم تكن الاسقف مجهزة سابقا عند استلام العقار

 او ان كان هناك رغبة فى عمل شبكة اضاءة جديدة

5- تثبيت جميع المواسير فى اماكنها باستخدام اربطة من المونة

 او افيز معدنى  مع تغطية جميع الطرنشات المفتوحة فى الحوائط

6- بعد ذلك يقوم الكهربائى بتثبيت علب البرايز و المفاتيح و

البوطات و اى علب اخرى خاصة بمخارج معينة , وهى فى العادة

 تكون علب بلاستيكية ذات فتحات جانبية لدخول مواسير الكهرباء بها

7- و هنا تأتى مرحلة اتخاذ قرار من اثنين و هما :

ا- وقف الاعمال و سحب السلك بعد الانتهاء من التشطيب

خوفا على سرقة الاسلاك بعد سحبها عن طريق احد العمال

 او المقاولين  , و عندها يجب ان يقوم المقاول بالاتى :

 1- سحب شداد فى جميع المواسير عوضا عن السلك و ذلك لضمان

عدم انسداد اى ماسورة يصعب اصلاحها بعد التشطيب .

2- سد جميع العلب و مخارج المواسير بقطع من القماش او ورق الشكاير

و احكامها و ذلك لتجنب دخول الحصى او الاسمنت داخلها فيحدث انسداد بها .

ب-  اكمال الاعمال و سحب الاسلاك بأنواعها و بالسمك

 المخصص لكل مخرج و فى جميع المخارج

التخطيط لبند الكهرباء و الإضاءة

بداية التخطيط لبند الكهرباء والإضاءة ،عمل رسم كروكي وتصور للفرش وأماكن الاجهزة مع تصور للإضاءة ، مقال افهم شقتك هيسعدك في عمل الرسم دي

تصور لاحتياجات كل غرفة من البرايز والمفاتيح المختلفة

الاستقبال

 

.مفاتيح توزيع الاضاءة بجوار باب الشقة ، عمل بريزة عادية خلف او فوق كونسول المدخل او دولاب الاحذية مباشرة , و هو مناسب لشحن الهواتف او لوضع اباجورة او سهارة فوقه

كما يمكن تقسيم الاضاءة علي جزئين او اكثر علي حسب مساحة فراغ الاستقبال وتصور صاحب البيت

السفرة

بريزة عادية بجوار البوفيه

الصالون او غرفة المعيشة و الانتريه

عمل بريزة عادية  خلف او فوق او اسفل  الترابيزات الجانبية للصالون أو غرف المعيشة , و هى مناسبة للاستخدام الشخصى و الجمالى عند و ضع اباجورات فوق التربيزة

: بريزة عادية بجوار التربيزة الجانبية  ،  بريزة عادية بجوار التلفزيون

بعض الاجهزة اللي ممكن تكون موجودة في فراغ الاستقبال

تكييف ، تلفزيون ، تليفون ومتنساش مكان الروتر لو بعيد عن الاستقبال  اعمل حسابك في  "access point "

ومتنساش مفتاح الاضاءة الخاص بالتراس

غرفة النوم او غرفة نوم الاطفال

 

مفاتيح الانارة بجوار باب الغرفة ، بريزة عادية بجوار السراحة ، بريزة عادية بجور الكومود

في حالة وجود مكتب في غرفة الاطفال يجب وضع بريزة عادية تستخدم لتوصيل الكمبيوتر او اباجورة او حتي شحن الموبايل

بعض الاجهزة اللي ممكن تكون موجودة في غرفة النوم

تكييف ، تلفزيون ، تليفون ومتنساش مكان الروتر لو بعيد عن غرفة النوم اعمل حساب ال  "access point "

المطبخ

 

مفتاح الاضاءة

بريزة قوى فوق رخامة المطبخ عند مكان استخدام الخلاط و سخان المياه و الشفاط , و عمل بريزة قوى اخرى على منسوب منخفض خلف مكان باقى الاجهزة من ثلاجة و غسالة ملابس او اطباق و خلف البوتاجاز او اي اجهزة اخري

الحمام

 

مفتاح الاضاءة ، بريزة عادية لمراية الحمام و اخري للشفاط، بريزة قوي للسخان

معلومات هامة عند تجهيز الفراغات للكهرباء والإضاءة

ان كان هناك رغبة لتعديل او عمل شبكة كهرباء جديدة تماما حسب الرغبات الشخصية , فهذه بعض المعايير و النصائح التصميمية و التى سوف تساعدك فى ذلك , التخطيط قبل التنفيذ  .

و لكن يجب العلم ان هذه النقاط غير الزاميه العمل بها فيمكن تغير ارتفاعات و اماكن المخارج حسب رؤية المصمم او المالك اذا رأى افضل من ذلك .

1- ارتفاع العلب و المخارج الشائع:

  ا-  علبة برايز عادية على ارتفاع منخفض (فيشة كهرباء - مخارج التليفون و الانترنت او دش ): 40 سم من مستوى التشطيب .

ب-  علبة مفاتيح الانارة : 110 سم او 120 سم من التشطيب

 ج-  علبة برايز عادية فوق او خلف ترابيزات جانبية او كومود : (فيشة كهرباء - مخارج التليفون و الانترنت او دش ) و يكون ارتفاعها حسب ارتفاع الوحدة او حسب الرغبة.

 د- علبة برايز او تليفون او انترنت ارضية : تكون علب في الارض و عازلة للماء فى المواضع التى تتطلب مخارج و بعيدة عن الحائط , مثل تربيزة جانبية للصالون بعيده عن الحائط .

ح - لوحة التوزيع : على ارتفاع 180 سم غالبا , و تكون خلف باب الشقة او بجانبه او مقابله له .

ط - الانارة الحائطية " الاباليك " : 180 سم غالبا من التشطيب .

2-  فى حالة الرغبة فى اضافة وحدات اضاءة فى الاسقف او تغير اماكنها الاصلية , يجب تجنب فتح طرنشات فى الاسقف الخرسانية , فيكون الحل الافضل هو عمل سقف صناعى و تثبيت خطوط الاضاءة الجديدة على الخرسانة بدون تكسير .

3- يفضل ضبط اماكن البرايز و المفاتيح الموجودة على اسطح سيراميك مثل المطابخ و الحمامات على ان تكون ذات علاقة هندسية بالبلاطة او لحامات السيراميك حيث يمكن ضبطها رأسياً و افقياً مع اقرب لحام دون وضعها عشوائيا .

4- هناك نظام مفاتيح اضاءة تسمى الدفياتورى و الدكشاتورى , و هو نظام يعطى قابلية التحكم فى وحدة اضاءة من اكثر من موضع , مثل لمبة ممر مدخل شقة يمكن اضاءتها عند دخول الممر و اطفائها من اخر الممر , لذا يجب اخبار الكهربائى عند الرغبة اثناء التأسيس و ليس التشطيب .

استلام اعمال الكهرباء

1- التأكد من وجود جميع المخارج المطلوبة و فى اماكنها المحددة .

2- التأكد من سريان التيار فى جميع المخارج باستخدام مفك تيست او وحدات اضاءة .

3- التأكد من عمل جميع قواطع التيار فى لوحة التوزيع .

4- يفضل التأكد من عمل مخارج التليفون و الدش و الانترنت ان امكن .

 5- فى حالة عدم سحب السلك , يجب التأكد من وجود شداد فى جميع المخارج و انه قد تم سد فتحات المواسير منعا لإنسدادها .

6- التأكد من ان المواسير المثبتة فى الارض هى اقل من منسوب التشطيب ب 5 سم على الاقل .

وبكدة تكون قادر علي تخطيط وتنفيذ وإستلام بند الكهرباء والاضاءة بشكل صحيح ، لو شايف ان المقال مفيد في زرار شير فوق علي الشمال :)